Kylian Mbappe nuk ka mbushur akoma 19 vjeç dhe është duke dhuruar paraqitje të shkëlqyera. Pas shpërthimit sezonin e kaluar te Monako, këtë verë francezi iu bashkua Parisit dhe ndonse po luan krah yjeve si Neymar e Cavani, është pikërisht Mbappe që po bën për vete të gjithë tifozët me paraqitet e tij mbresëlënëse. Ludovic Giuly, ish futbollist i Monakos, Barcelonës dhe Romës, ka folur me superlativa për patriotin e tij, duke e cilësuar si një lojtar i destinuar për t’u bërë nga më të mirët në botë.
“Edhe Messi ka debutuar në ekipin e parë kur ishte 17 vjeçar, por mund t’ju them me bindje se Mbappe është duke u paraqitur shumë më mirë profesionalisht, se argjentinasi kur kishte të njëjtën moshë. Kylian është një djalosh i qetë, që punon kokë-ulur dhe jam i bindur se e pret një e ardhme e shkëlqyer”, deklaroi Giuly.
