Zhgënjen Espanyoli. Skuadra e Quique Sanchez Flores pësoi humbjen e 7-të sezonale pasi u mposht brenda në “Cornella-El Prat” me rezultatin 0-1 nga Girona në sfidën që mbylli javën e 15-të të La Ligas. Tashmë Espanyoli është në pozita të vështira vetëm 4 pikë larg zonës së ftohtë. Një gol i David Timor në fundin e pjesës së parë u mjaftoi miqëve për të bërë të tyrin derbin e vogël të Katalunjës. Me këtë fitore Girona u ngjit në kuotën e 20 pikëve.