Pa dyshim mund të themi që ky është momenti i Muhamed Salah, pasi egjiptiani me formën mjaft të mirë që po tregon në fushën e lojës, ka bindur thuajse të gjithë.
Paraditen e sotme sulmuesi i Liverpoolit ka marrë çmimin e radhës në Premier League, atë të Lojtarit më të mirë, të zgjedhur nga gazetarët sportivë.
Këta të fundit duket se nuk kanë pasur shumë dilema për të zgjedhur më të mirin e sezonit, pasi egjiptiani ka shkëlqyer jo vetëm në Premier, por po merr për dore skuadrën edhe në Champions League, ku ‘the reds’ janë shumë pranë finales.
Muhamed Salah bëhet kështu i pari futbollist afrikan që fiton këtë çmim në Premier League dhe i 3-ti lojtar i Liverpoolit, që e fiton në 20 vitet e fundit. Më herët kanë fituar edhe Steven Gerrard dhe Luis Suarez.