Connect with us

Hi, what are you looking for?

Kategoria Superiore

Flamurtari-Skënderbeu, sfida për ‘qetësinë’ në kampionat

Në hapat e para të epokës së lavdishme të Skënderbeut, skuadra që kërkoi ta sfidonte ishte pikërisht Flamurtari. Ky duel u kthye në epiqendrën e Kategorisë Superiore dhe duket se diçka ka mbetur ende nga ajo periudhë mes viteve 2011-2012.

Përballja mes kuqezinjve dhe korçarëve, që do të zhvillohet sot në orën 19:00, në stadiumin e qytetit të Vlorës, do të jetë e dyta në pak ditë, pas gjysmë-finales së parë të Kupës së Shqipërisë, ku vlonjatët triumfuan me rezultatin 1-0. Pavarësisht atij suksesi, kriza nuk është venitur plotësisht dhe duhet një tjetër provë forcë që ekipi Duros të rigjejë hapat e pjesës së parë të edicionit.

Xhufo, por më kryesorja, Tomislav Bushiç nuk janë të gatshëm për shkak dëmtimi. Tekniku 58-vjeçar pritet t’i besojë të njëjtës 11-she që triumfoi në Korçë, me Kamara e Muarem në mbështetje të Danilo Alves.

Skënderbeu po kalon periudhën më të errët të sezonit, dënimi i UEFA-s u pasua me dy disfata, në kampionat ndaj Vllaznisë dhe të mërkurën në Kupë pikërisht ndaj kuqezinjve. Kryesuesit do të kërkojë të mbledhin ‘copëzat e thyera’, duke synuar maksimumin.

Daja do të jetë sërish pa Shehin e Lilajn, megjithatë ka rikuperuar Vangjelin e Radas, që do të jenë rregullisht në fushë. Dita, Osmani e Muzaka ka gjasa të përbëjnë repartin e mesit të fushës, ndërkohë që Gavazaj e Adeniyi do të jenë pas krahëve të Aly Sowe. Në këtë edicion sfidat mes Flamurtarit e Skënderbeut në kampionat kanë folur për bardhekuqtë, pasi dy fitore i kanë shkuar korçarëve, ndërsa një takim është mbyllur në ekuilibër

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...