Flamurtari i Prishtinës ia doli të mbijetojë në Vala Superliga, edhe pas ndeshjes Play Out ndaj Vushtrrisë.Takimi përfundoi në barazim 1-1, ndërsa edhe pas 30, minutave shtesë, nuk pati fitues, duke bërë që gjithçka të vendoset nga 11-metërshat.
Nga pika e penalltive fati i buzëqeshi kuqezinjve, të cilët fituan 5-6 dhe siguruan mbijetesën në Superligë, ndërsa Vushtrria do të duhet të provojë sërish sezonin e ardhshëm për t’u rikthyer mes më të mirave.
Sfida tjetër e Play Out-it, mes Ferizajt dhe Vëllazënimit të Gjakovës, do të zhvillohet nesër në orën 16:00.