Feynoordi vijon startin perfekt në Eredivisie. Kampionët në fuqi të Holandës kaluan lehtësisht me rezultatin e thellë 5-0 Willem 2, në javën e tretë duke u ngjitur në kuotën e 9 pikëve pas tre takimeve të para. Sfida De Kuip rezultoi një shëtitje për formacionin e drejtuar nga Giovianni Van Bronckhorst, pasi Feynoord zgjidhi gjithcka shumë herët. Në minutën e 13-të, Toornstra goditi saktë me kokë duke shfyrtëzuar në maksimum një harkim nga këndi të Diks për ti dhënë avantazhin vendasve. Në të 16-tën Berghuis dyfishoi shifrat me një gjuajtje shumë të bukur nga hyrja e zonës, ndërkohë që miqtë nga Tilburgu, ngritën flamurin e bardhë që në minutën e 20-të kur Toornstra e coi rezultatin në 3-0 me golin e dytë personal. Por goleada e Feynoord-in në pjesën e parë vazhdoi me golin e 4-t që u realizua nga mesfushori Tony Vilhena. Fitoren e thellë të Feynoord-it e vulosi Boetius në të 80-tën me një finalizim nga pika e bardhë e penalltisë.
Regjistroi suksesin e 2-të rradhazi dhe të dytin në këtë kampionat, Ajaxi i Amsterdamit. Formacioni i drejtuar nga trajneri Marcel Keizer triumfoi 0-2 në transfertë ndaj Venlos. Të dy golat harkëtarët i shënuan në pjesën e dytë. Në të 55-tën, Van De Beek i asituar nga Huntelaar zhbllokoi shifrat. Protagonist absolut Van De Beek që në të 70-tën u shndërrua në njeriun asist teksa më një pasi të bukur nxorri të lirë përpara portierit të Venlos, brazilianin Campos i cili me një parabol fiksoi rezultatin përfundimtar të kësaj sfide në 0-2.
Nuk gabon as Psv Eindhoven. Skuadra e Philip Cocu iu kundërpërgj Feynoord-it pasi në Philips Stadion, Eindhoven kaloi rezultatin 2-0 Rodën. Psv-ja zgjidhi gjithcka që në minutat e para. Fillimisht ishte sulmuesi Jurgen Lokadia ai që hapi serinë e golave ndërsa për ti cuar shifrat në 2-0 mendoi meksikani, Hirving Lozano. Me këtë fitore Psv-ja u ngjit në kuotën e 9 pikëve po aq sa Feynoordi që kryeson renditjen falë goleavarazhit më të mirë.
