Tenis

Federer – Nadal, dueli i përjetësisë në Tenis

Shanghai i dhuroi historisë së tenisit modern episodin e 38-të të rivalitetit më të bujshëm dhe më me sharm mes Roger Federer dhe Rafael Nadal, me zvicëranin që shënoi fitoren e tij të 15-të ndaj rivalit të madh dhe të kartërtën brenda vitit. Edhe pse ky sezon konsiderohet si më i miri në të gjithë karrierën e spanjollit pas vitit 2010, sërish Nadal ka shënuar 4 humbje në të katër përballjet me Federer. Gjithsesi, nuk duhet harruar fakti se gjatë sezoneve të shkuara, të shkëlqyera për Federer, i cili dominonte fushat e tenisit botëror, më saktësisht nga 2004 deri në 2009, Nadal ishte ndër të vemtit që i linte zvicëranit shijen e hidhur të disfatës. Nëse në ato kohë Federer humbiste rregullisht përballë spanjollit, sot raporti i dominimit flet në favor 36-vjecarit nga Bazeli. Roger tregoi një formë shumë të mirë fizike pavarësisht moshës, duke shënuar finalen e 143-të në karrierë nga të cilat ka fituar 94. Gjigantët e tenisit deri në fund të karrierës duket se premtojnë të vendosin rekorde të reja falë formës së mirë që po kalojnë. Sidoqoftë, për finalen sezonale janë 5 pjesëmarrës të sigurtë Nadal, Federer, Zverev, Thiem dhe Cilic. Në garë për tre vendet e fundit janë, Dimitrov, Goffin dhe Carreno Busta, ndërkohë që është plotësuar dhe panorama e pjesëmarrëseve në finalen e WTA, ku në rend alfabetik do të sfidohen për titullin e fundvitit, Simona Halep, Garbine Muguruza, Karolina Pliskova, Elina Svitolina, Venus Williams, Caroline Wozniacki, Jelena Ostapenko dhe Caroline Garcia.

To Top