Reali i Madridit triumfoi 87 – 85 ndaj Barcelonës në El Clasicon Basketbollit në përballjen e raundit të 12-të të Euroleague-s. Një sukses që i mban madrilenet në zonën play – off, pikërisht në vendin e tetë, ndërsa “blaugranat” e koshit vazhdojnë të tregojnë një formë të dobët sezonale me 4 fitore dhe 8 humbje në total. Talenti slloven Doncic, me 16 pikë, 7 asist dhe 6 rikuperime, kishte statistikat më të mira të sfidës, ndërsa Reyes shtoi edhe 14 pikë të tjera për Realin.
Humbje e papritur e Olymiakosit në parketin e Bamberg 67 – 65. Në fillim të periodës së fundit skuadra greke kishte një avantazh prej 10 pikësh, por pikërisht në fundin e takimit amerikani Wrihgt me 20 pikë dhe 7 rikuperime në total bëri diferencën, ndërsa amerikani tjetër Rubit ishte i dyti me statistikat më të mira, me 15 pikë. Gjermanët e Bamberg këcënojnë pikërisht Realin e Madridit për zonën play off.
Pas dy fitoreve radhazi me Bamberg dhe Olimpian e Milanos Khimki bie në parketin e Unicajas 93 – 84. E pamjaftueshme për moskovitët paraqitja e jashtëzakonshme e Shved, që realizoi 28 pikë.
Humbet në Stamboll Fenerbahce, që u dorëzua me vetëm një pikë diferencë 89 – 90 ndaj Zalgiris Kaunas. Kanadezi Pangos mori përsipër lojën e lituanezëve duke shënuar 22 pikë, ndërsa për ekipin turk Vesely dhe Wanamaker u ndalën respektivisht në 21 dhe 19 pikë.
