Espanyol i shkakton humbjen e parë në ‘Wanda Metropolitano’ Atleticos së Madridit, me Los Cholchoneros që u mposhtën me rezultatin 0-2 nga katalanët. Tekniku Simeone kishte preferuar që për këtë takim të linte në stol disa prej lojtarëve titullarë, duke mos dashur të rrezikojë dëmtimin e ndonjërit prej tyre, duke pasur parasysh faktin që më 16 maj do të luajë finalen e Europa Leagues kundër Marseille.
Pjesa e parë e takimit ishte përgjithësisht e qetë, ku dukshëm impenjimi për të finalizuar ishte i paktë. Në pjesën e dytë situata ndryshoi, pasi Espanyol përfitoi nga një zbritje e shpejtë dhe arriti të finalizojë me Melendo në minutën e 53-të. Atletico provon të reagojë, por sulmet e tyre nuk rezultuan efikase.
Për të vulosur fitoren e Katalanëve u kujdes braziliani Leo Baptisato, i cili me një të djathtë potente nga brenda zonës, arriti të ndalte topin në fundin e rrjetës.
Pas humbjes në Kupën e Mbretit ndaj Sevillas, për Atleticon kjo ishte humbja e dytë në ‘Wanda Metropolitano’, ndërsa rezultati i shërbeu si statistikë Espanyolit, pasi nuk luante as për mbijetesë, as për një vend në kupat Europës.
Kështu në pritje të El Clasicos, Barça-Real, Espanyolit fituan përballjen e parë të ditës, mes një skuadre katalane dhe një skuadre madrilene.