Te Partizani presi me padurim sfidën me Skënderbeun. Besimi për të mposhtur korçarët pas asaj fitoreje në Kukës është rritur. Kjo atmosferë pozitive refkektohet edhe nga fjalët e zëvendëstrajnerit Klevis Dalipi.
Harmonia është kthyer dhe skuadër po punon më e qetë nën drejtimin e Stsarovës. E presim këtë sfidë ndaj Skënderbeut me shumë entuziazëm dhe dëshirë për të dhënë maksimumin. Besoj që e kemi lehtësuar sadopak dhimbjen e javëve të para me atë fitore me Kukësin. Shpresoj që tifozët të vijnë e të në përkrahin.
Dalipi tha më tej se formacioni do të jetë i afërt me atë që luajti në Kukës, por skema do të jetë ndryshe.
Ndaj Skënderbeut do të ketë një skemë ndryshe, që do ta merrni vesh në ditën e ndeshjes. Të jeni të sigurtë që ata që do të zbresin në fushë do të japin maksimumin. Do të ketë përforcime në janar, por lojtarët që kemi aktualisht mbeten shumë të rëndësishëm.