Sfida mes Flamengos dhe Atletico Mineiros ishte edhe e fundit për portierin brazilian Julio Cesar, që përfundimisht vendosi të ‘varë dorezat’ në moshën 38-vjeçare pas një karriere vërtetë të lavdishme.
“Kam qarë shumë gjatë kësaj jave, por isha i përgatitur për këtë ditë. U ktheva tek Flamengo me një synim të qartë në kokë. Kisha shumë emocione dhe i thashë lamtumirë futbollit. Shpresoj të kem lënë një trashëgimi pozitive tek njerëzit me të cilët kam jetuar. Çfarë do bëj tani? Do qëndroj pranë familjes sime, pranë mamasë. Falenderimet e tifozëve ishin fantastike. Është e papërshkrueshme, më mbetet vetëm t’i falënderoj”, tha Julio Cesar.
Portieri brazilian kulmin e karrierës së tij e pati te Interi, ku luajti mbi 200 ndeshje dhe arriti të fitojë 5 tituj të Serisë A, 3 Kupa Italie dhe një Champions League, në vitin 2010.
Julio Cesar dice addio al calcio giocato: tutto il Maracanã in piedi per l’ultimo saluto a uno degli eroi del Triplete dell’Inter ⚫🔵#JulioCesar #AveJulioCesar (via @Flamengo) pic.twitter.com/CzQjXVolC2
— Fabio Alampi (@FabioAlampi) April 22, 2018