Trajneri i Paris Saint Germain-it, Unai Emery i ka të qarta idetë për lojtarët që dëshiron të ketë në skuadër. Ai theksoi se dëshiron që Javier Pastore të luajë çdo ndeshje, pa rrezikun e dëmtimit dhe se kur ta arrijë këtë vazhdimësi ai mund të jetë i lumtur.
46-vjeçari deklaroi se argjentinasi është një futbollist me talent të madh dhe se është shumë i rëndësishëm për skuadrën. Ai shtoi se do të dëshironte që Pastore të qëndronte për një kohë të gjatë në “Parc des Princes”.
Më herët, Pastore deklaroi se e ardhmja e tij në kryeqytetin francez ishte në dyshim, pasi argjentinasi ishte i pakënaqur me minutazhin e paktë në dispozicion. Për Pastoren ka pasur një interes real nga skuadra e Interit, që me rikthimin e argjentinasit në Itali, shpreson të zgjidhë problemin e fantazistit të shumëdëshiruar nga Spalletti.
