Connect with us

Hi, what are you looking for?

Futboll

Edhe Kukësi padit Eminin në FIFA

Kukësi kundërsulmon në Fifa për cështjen Izair Emini. Sulmuesi tetovar i është drejtuar institucionit qeverisës të futbollit botëror për të zgjidhur cështjen e tij prej disa ditësh ndërkohë që dhe Kukësi së fundmi ka vendosur ta denoncojë Eminin në Fifa ku e akuzon për prishje të njëanshme të Kontratës. Në reklamimin e tij klubi kampion i Shqipërisë arsyeton se 31 vjecari i cili është stërvitur javët e fundit me Shkëndijën e Tetovës nuk i është përgjigjur thirrjeve të klubit për tu bashkuar me skuadrën duke mos respektuar kontratën ndërkohë që kërkon një dëmshpërblim prej 300 mijë eurosh për prishjen e njëanshme të saj. Deri më tani Emini ka qëndruar i palëkundur në pozicionimin e tij se marrëveshja që e lidhte me Kukësin ka përfunduar me mbylljen e sezonit dhe nuk ka asnjë përafrim mes palëve. Në këtë mënyrë me gjithë cështjet e tjera të zgjidhura te Kukësi ku Albi Alla e Enea Kolici janë rikthyer në skuadër ndërsa Nijaz Lenës ju dha leja për transferimin te Teuta, “nyja” Izair Emini duket se do të mund të zgjidhet vetëm në Fifa. Te Kukësi ndërkohë mbeten maksimalisht vigjilentë për tu paraprirë cdo të papriture në lidhje me kontratat. Sipas burimeve brenda klubit kampionët kanë rishikuar edhe kontratën e futbollistit nga Izraeli Siraj Nasser i mbërritur në radhët e verilindorëve këtë verë. Duke qenë se paga e futbollistit është në nivelin e më të lartave në vend, te Kukësi kanë vendosur që ta lidhin atë në lidhje me paraqitjet e vetë mesfushorit me tipare sulmuese. Duke qenë se Nasser dhe përfaqësuesit e tij janë të bindur në aftësitë e futbollistit i cili në këto javë të para ka vuajtur disi edhe mungesën e përgatitjes fuizike, palët kanë gjetur konsensusin në mënyrë që përfitimet financiare të jenë të lidhura ngushtë me performancën e futbollistit.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...