Prej kohësh një prej lojtarëve më të kërkuar të merkatos, Emre Can vazhdon t’i mbajë të gjithë në ankth. 24-vjeçari i Liverpoolit, gjatë një interviste deklaroi se nuk ka vendosur asgjë për të ardhmen e tij dhe se nuk e di se çfarë do të ndodhë në fund të sezonit.
Gjermani, kontrata e të cilit me “the reds” skadon në fund të sezonit, theksoi se nuk ka firmosur me asnjë skuadër tjetër. Ai pohoi se dëshiron ta mbyllë kampionatin në vendin e dytë dhe se kërkon të shkojë sa më larg në Champions League me Liverpoolin.
Mesfushori tha se menaxheri i tij i ka bllokuar të gjitha tratativat, që ai të mendojë vetëm për ekipin e tij. Destinacioni më i mundshëm i tij është Juventusi, por në ditët e fundit ka qenë edhe Reali i Madridit, që ka shfaqur interes konkret.
