Edin Dzeko është vetëm një hap larg rikthimit në Premier League, këtë herë në Londër te Chelsea. Sulmuesi boshnjak po kalon orët e fundit në Romë, ndërsa akordi mes klubeve është arritur dhe tani menaxheri i Dzekos po negocion për kontratën e sulmuesit.
Nga ana tjetër, Roma duket se nuk ka ndërmend të investohet për qendërsulmues tjetër, pasi atë rol ka ndërmend t’ia besojë sulmuesve Patrick Schick dhe Defrel, por tani i duhet një anësor i shpejtë.
Drejtori Sportiv i verdhekuqve, Mario Monchi është hedhur menjëherë në sulm për të afruar futbollistin e Barcelonës, Gerard Deulofeu, që shikohet si përforcimi ideal për Di Francescon. Aktualisht Roma ka vetëm Perottin dhe El Sharawin, të aftë të luajnë në krahët e sulmit dhe ish futbollisti i Milanit do të shtonte cilësinë dhe konkurrencën në skuadër.
Në rast se nuk do të arrijnë te Deulofeu, verdhekuqtë do të tentojnë kapitenin e Sassuolos, Berardi, por ky operacion është më i mundur në muajin qershor, sesa tani.
