Legia e Varshavës me një këmbë në gjysmëfinale të Kupës së Polonisë falë Armando Sadikut. Sulmuesi shqiptar realizoi dygolësh në takimin e pare cerekfinal në kundër Druteks-Bytovia, me rezultuanin përfundimtar që u fiksua në 1-3. Golin e parë Sadiku e realizoi pa u mbushur 2 minuta lojë, pas një topi të gjatë të marrë që nga mesfusha.
Në minutën e 29-të Pasquato shënoi golin e dytë për Legian, ndërsa në fund të pjesës së parë shkurtoi diferencën në 1-2 Szewczyk.
Sfida mbeti e hapur deri pak minuta para fundit, pasi në të 89-ën, sulmuesi i Kombëtares Shqiptare realizoi të dytin personal dhe të tretin për Legian, që fitoi 1-3. Më këtë sukses në ndeshjen e parë skuadra e Sadikut pritet ta ketë formalitet takimin e kthimit.
Për 26-vjecarin ky ishte goli i katërt i realizuar në Kupën e Polonisë dhe i gjashti në total, pasi dy herë të tjera e ka gjetur rrjetën në kampionat.
https://www.youtube.com/watch?v=cwBG9BOXpyg