Eredivisie

PSV fiton në shtesë ndaj Twentes, Ajaxi “bie” në shtëpi ndaj Utrechti

Fitore e pabesueshme 4-3 e PSV Eindhovenit në “Philips Stadion” ndaj Twentes. Skuadra e Philip Cocu sa herë kalonte në avantazh barazohej nga miqtë, derisa erdhi momenti më pikant i kësaj përballjeje, që i përket minutës së parë shtesë, kur futbollisti i Twentes, Thesker, devijoi në portën e tij. Deri në atë moment për PSV-në kishin shënuar Locadia, van Ginlkel dhe de Jong, ndërsa për Twenten Thesker, Lam dhe Jensen. Me këtë sukses PSV e con në 11 pikë diferencën me ndjekësit më të afërt.

Humbje e papritur e Ajaxit të Amsterdamit në “Johan Cruijff Arena” ndaj Utrechtit. “Harkëtarët” u ndalën 1-2 para tifozëve të tyre, duke i lëshuar terren PSV-së në krye të klasifikimit. Heroi i këtij takimi ishte Labyad, që realizoi dy herë për miqtë, duke e bërë të pavlefshëm golin e Viergever.

Në takimet e tjera Den Haag barazoi 2-2 me Feyenoordin, ndërsa Vitesse Barazoi 0-0 me Zwolle.

To Top