Shkëndija e Tetovës nuk ia ka dalë të marrë pikë në transfertën ndaj rivalëve të urryer, Vardarit. Ndonse kaluan dy herë në avantazh, tetovarët nuk ditën të ruajnë rezultatin dhe u mposhtën me shifrat 4-2. Pjesa e parë përfundoi 0-1, për Shkëndijën, pas golit të shënuar nga Junior, ndërsa vendasit barazuan në fillim të pjesës së dytë, më anë të Felipe, me 11 metërsh.
Ibrahimi kaloi edhe një herë në avantazh skuadrën shqiptare, në minutën e 64-t, ndërsa më pas, Vardari shënoi 3 gola dhe vulosi shifrat 4-2. Kjo ishte humbja e parë e Shkëndijës në këtë sezon, pas 8 fitoreve dhe 1 barazimi. Gjithsesi tetovarët vazhdojnë të qendrojnë në krye të klasifikimit me 25 pikë, ndërsa Vardari i vendit të dytë ka vetëm 19 pikë, por me 2 ndeshje më pak.
