Mjaft i ashpër me gjykimin u shpreh pas barazimit 1-1 me Lacin Shpëtim Duro. Trajneri i Flamurtarit kujtoi se përvecse nuk iu akorduan 2 11-metërsha, skuadra e tij u ndëshkua edhe me një penallti të paqenë.
Nuk ka nevojë për koment, jemi ndëshkuar me 11-metërsha edhe në ndeshjet e para, ndërsa Flamurtarit nuk i jepen penalltitë. Për dy penalltitë e padhëna sot as që e vë në diskutim që ishin. Ka ndikim në rezultat gjyqtari i ndeshjes, ashtu si në ndeshjet e mëparshme. Megjithëse kishim kundër gjyqtarët, ne duhet të fitonim. Unë e përgatis skuadrën që arbitrin e kemi kundër. Duhet t’i kishim shfrytëzuar rastet e krijuara me Bushiç dhe Danilo Alvesh. Më vjen keq që nuk arritëm të fitonim.
