Novak Djokovic me zemër të madhe. Ish-numri një në botë në renditjen e përgjithshme në tenis, ka vendosur të hapë një restorant në Serbi, ku do t’u shërbehet personave në nevojë.
“Paratë nuk janë problem për mua. Kam fituar aq shumë para sa mund të shuaj urinë e të gjithë Serbisë. Mendoj se e meritojnë serbët për të gjithë mbështetjen që më kanë dhënë.”
Fjalë mjaft domethënëse këto të 30-vjecarit, që tregon ndjeshmëri ndaj personave me të ardhura të kufizuara. Restoranti i ri do të jetë i hapur vetëm gjatë mbrëmjes.
Investimi në restorante nuk është një eksperiencë e re për Djokovic, që më parë ka hapur një të tillë në Beograd, të quajtur “Novak” dhe një tjetër në Monte Carlo, i regjistruar me emrin “Equita”. Mirëpo është për t’u përshëndetur ky investim i fundit i Djokovic, që nuk bëhet për arsye përfitimi.
