Në Milano është duke u zhvilluar festa e ditëlindjes së 110 të njërës prej skuadrave më të mëdha italiane, Interit. Pikërisht më 9 Mars 1908, mori udhë krijimi i një tjetër klubi futbolli në Milano dhe që atëherë, historia e Interit ka ardhur në rritje.
Në ditëlindjen e 110, të skuadrës zikaltër, janë bashkuar në festë shumë legjenda dhe ish futbollistë, të cilët kanë shkruar historinë e Interit ndër vite. Ronaldo, Zanetti, Lothar Matheus, etj., i janë bashkuar festimeve, teksa nuk ka munguar as Massimo Moratti, ish president i zikaltërve dhe përfaqësues i familjes Moratti, që ka qenë gjithmonë pranë Interit dhe ka sponsorizuar ngritjen e klubit në nivelet më të larta.
Gjithashtu, pjesë e festimeve është bërë edhe skuadra aktuale e Interit, bashkë me stafin teknik dhe të gjithë drejtuesit e ekipit.
Më poshtë janë disa nga fotot e 110-vjetorit të Interit: