Tenis

Dimitrov shkëlqen dhe ndaj Carreno Busta, paralajmëron Federer

Grigor Dimitrov humbi në total vetëm 2 game përballë tenistit spanjoll Pablo Carreno Busta i cili zëvendësoi Rafael Nadalin në ATP World Tour Finals. Në ndeshjen e fundit të grupit A, tenisti bullgar triumfoi 2-0 me sete me shifrat 6-1 6-1 në 1 orë e 2 minuta lojë, duke konfirmuar formën e shkëlqyer që po kalon. 3 fitore në po kaq takime dhe vetëm një set i humbur për tenistin bullgar i cili renditet i 6-ti në klasifikimin e ATP. Dimitrov tashmë do të masë forcat me amerikanin Jack Sock në gjysmëfinale, por me formën e treguar ai është një kërcënim real për favoritin e madh Roger Federer në rrugën drejt titullit në turneun e 8-të tenistëve më të mirë të Botës që po zhvillohet aktualisht në Londër dhe po transmetohet live në Supersport.

To Top