Trajneri i Luftëtarit, Curbello u shfaq i mërzitur pas ndeshjes me Partizanin, teksa deklaroi se skuadra e humbi takimin në pjesën e parë. Ai theksoi se edhe problemet e ditëve të fundit brenda ekipit, kanë prodhuar një ngërç psikologjik, i cili u reflektyua edhe sot në fushë.
“Nuk dua të them që skuadra nuk di të shënojë. Skuadra ka punuar mire, ka prodhuar raste, por nuk po finalizon. Patëm një ngërç psikologjik, ndoshta edhe për shkak të humbjes me Kamzën. Nuk kemi kohë të mendojmë për këtë humbje dhe shpresoj që të korrigjojmë diçka në ndeshjen me Kukësin”, tha Curbello.