Claude Puel mund të marrë drejtimin e Leicester City-t. Trajneri francez, pas eksperiencës te Southamptoni, ka nisur bisedimet me drejtuesit e skuadrës angleze për të pasuar të shkarkuarin Craig Shakespeare. 56-vjeçari është parë dy herë në ambientet e klubit dhe, me sa duket, palët janë drejt arritjes së marrëveshjes. Sipas mediave angleze, Puel është favoriti për t’u ulur në stolin e Leicester City-t, edhe pse interes për këtë detyrë ka shfaqur edhe ish-futbollisti dhe ish-ndihmësi Van Gal te Manchester United, Ryan Giggs. Pas 9 javësh kampionat skudara e Leicesterit renditet në vendin e 14 me 9 pikë të grumbulluara. Drejtimin e përkohshëm të ekipit e ka marrë Michael Appleton.
