Connect with us

Hi, what are you looking for?

Champions League

City mposht Napolin, Reali ‘ngec’, Monako komplikon kualifikimin

Spektakël dhe plot 31 gola dhuruan ndeshjet e sotme të fazës në grupe të Champions League-s, ndërsa nuk munguan as rezultatet surprizë.

Pritej spektakolare dhe e tillë ishte përballja mes Manchester City-t dhe Napolit. Ekipi i Guardiolës shënoi dy gola të shpejtë, në minutën e 8-të dhe 13-të, ndërsa napolitanët humbën një mundësi të mirë për t’u rikthyer në lojë, kur Mertens nuk dërgoi në rrjetë një 11 metërsh në minutën e 38-të.

Në pjesën e dytë, Sarri filloi të mendojë për ndeshjen e të shtunës ndaj Interit, teksa hoqi nga fusha titullarë si Hysaj dhe Insigne. Në minutën e 73-të, atë që nuk bëri Mertens, e bën Diawara, që dërgon penalltinë në rrjetë dhe rihap takimin.

Supersfida tjetër e mbrëmjes, ajo mes Realit të Madridit dhe Tottenhamit, përfundoi në barazim 1-1, ndërsa gjithçka u zhvillua në pjesën e parë. Tottenham kaloi i pari në avantazh, pas një autogoli të mbrojtësit francez Varane, ndërsa Ronaldo barazoi në minutën e 41-të me 11 metërsh.

Monako u befasua në shtëpi, nga turqit e Besiktas, të cilët fituan 1-2 dhe blinduan kryesimin e grupit, me 9 pikë të plota, ndërsa francezët kanë komplikuar kualifikimin, sepse kanë vetëm 1 pikë dhe mbyllin renditjen.

Edhe Borusia e Dortmundit nuk shkoi më shumë se nja barazim 1-1, në transfertën qipriote ndaj Apoel. Vendasit kaluan të parët në avantazh, në fillim të pjesës së dytë, por gjermanët barazuan në minutën e 73-të me anë të Sokratis.

Liverpooli mori një fitore të lehtë, në transfertën ndaj Mariborit të Valon Ahmedit. ‘The reds-at” shënuan plot 4 herë në pjesën e parë, ndërsa në të dytën shënuan edhe 3 herë të tjera dhe vulosën rezultatin final 0-7.

Spartaku i Moskës mposhti 5-1 Seviljan, Leipzig triumfoi 3-2 ndaj Portos, ndërsa Feyeenord u befasua në shtëpi nga ukrainasit e Shakhtar Donetsk, me rezultatin 1-2.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...