Chelsea mbërthen Manchester United në vendin e dytë në Premier League pas fitores 3-1 në transfertë me Huddersfield ku u duk se gjithçka rezultoi e thjeshtë për ekipin e Contes. Pas humbjes në derbin me West Ham, Conte kërkonte që ekipi të rikthehej te fitorja dhe Huddersfield u kuptua që do të ishte një kundërshtar i lehtë që në minutat e para. Madje dhe goli i parë i Bakayoko erdhi si pasojë e një rivënie jo të mirë në lojë nga ana e portierit Losl.
Pa përfunduar ende pjesa e parë pati sërish festë për Chelsean me Willian që shënoi në të 43-tën pas asistit të Alonsos.
Në fillimin e pjesës së dytë Pedro ngriti në 3 gola epërsinë e londienzëve pas një aksioni mjaft të bukur, të cilin spanjolli e finalizoi në rrjetë.
Në epërsi të 3 golave Chelsea u tërhoq në mbrojtje të rezultatit ndërsa Huddersfield më në fund filloi të krijonte paksa rrezikshmëri në portën e Cortois dhe pikërisht në minutën e 92-të me një godijte me kokë belgu Depoitre shënoi golin e nderit për vendasit.
