Chelsea i Antonio Contes ka marrë një tjetër fitore, në takimin e parë të javës së 15, në Premier League, teksa ka mposhtur 3-1 Newcastle-n. Londinezët vijojnë ecurinë pozitive në javët e fundit, teksa me 3-pikëshin e sotëm kanë barazuar përkohësisht Manchester United-in, në vendin e dytë të renditjes.
Skuadra e Benitezit kaloi e para në avantazh, që në minutën e 12’ me anë të Gayle, por Chelsea u përgjigj menjëherë me sulmuesin dhe kapitenin Eden Hazard. Në minutën e 33-të, ishte radha e sulmuesit spanjoll Morata, që të shënonte golin e avantazhit për londinezët, ndërsa në pjesën e dytë, ishte sërish belgu Hazard, që shënoi golin e 3-të dhe vulosi rezultatin 3-1.
Në takimet e tjera spikat fitorja e thellë 1-5 e Liverpoolit në fushën e Brighton, ndërsa Evertoni mposhti 2-0 Huddersfielfin në debutimin e Sam Allardyce. Tottenham ndërkohë humbet terren në klasifikim pasi barazoi 1-1 me Watfordin, Leicesteri kaloi 1-0 Burnley-n, ndërsa Stoke iu imponua 2-1 Swansea-t. West Brom – Crystal Palace përfundoi në barazim pa gola.
Brighton – Liverpool 1-5
Everton – Huddersfield 2-0
Leicester – Burnley 1-0
Stoke – Swansea 2-1
Watfford – Tottenham 1-1
West Brom – Crystal Palace 0-0