Connect with us

Hi, what are you looking for?

FA Cup

Chelsea kërkon finalen për të shpëtuar sezonin

5. Chelsea - 592 milionë euro

Chelsea synon finalen e dytë radhazi në FA Cup, teksa ekipi i Antonio Conte-s do të përballet në ‘Wembley’ me Southampton-in, në gjysmëfinalen e dytë të edicionit të 137 të Kupës së Anglisë. Pas titullit të fituar që në tentativën e parë në ishull vitin e kaluar trajneri italian dështoi për të bërë “double”, kur u mund pikërisht në finalen e ‘Wembley-t’, përpara 90.000 spektatorëve, nga “topcinjtë” e veteranit francez Arsene Wenger me rezultatin 2-1, sidoqoftë këtë sezon 48-vjeçari puljez ka një tjetër mundësi për të tentuar kompeticionin më të vjetër në planet, në rang klubesh.

Shorti është treguar vërtet shumë i mirë me “blutë e Londrës”, që janë dukshëm favoritë, për të siguruar finalen e 13 në Kupën e Anglisë, për më tepër “shenjtorët” po përjetojnë një sezon të tmerrshëm, teksa pozicionohen në zonën e ftohtë, pothuajse të pashpresë, duke pasur parasysh faktin që në Premiership skuadrat e tjera që ndodhen më sipër janë shkëputur dhe ekipit jugor i mbeten vetëm 4 ndeshje për të luajtur deri në mbylljen e kampionatit.

“Blutë” kanë triumfuar 7 herë gjithsej në këtë aktivitet, për herë të fundit gjashtë vjet më parë, kur me italianin tjetër Roberto di Matteo mposhtën në finale Liverpulin e Kenny Dalglish, ndërsa klubi nga Hampshire ka fituar vetëm 1 nga 4 finalet e zhvilluara në FA Cup. Trofeun e vetëm në Kupën e Anglisë “saints” e kanë siguruar 42 vjet më parë, në ‘Wembley’ pas suksesit ndaj Manchester United, ndërsa finalen e fundit Southamptoni e ka regjistruar në vitin 2003, në ‘Millennium Stadium’ të Kardifit, ku ekipi i drejtuar asokohe nga Gordon Strachan u thye në finale 1-0 nga skuadra e Arsenalit.

Këtë radhë “shenjtorët” drejtohen nga një ish si Mark Hughes, pasi ish-sulmuesi i famshëm uellsian ka veshur fanellën e “bluve” për tre sezone në mesin e viteve 90, gjithsesi pavarësisht skualifikimit të spanjollit Marcos Alonso skuadrat kanë diferenca shumë të mëdha, pasi Chelsea ka fituar pesë përballjet e fundit ndërmjet tyre, ndërsa Southamptoni në krahun tjetër siguroi kualifikimin për në këtë fazë duke eliminuar një kundërshtar si Wigan Athletic, që luan në League One.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...