Antonio Conte i mbyll dyert largimit të Eden Hazard nga Chelsea. Sulmuesi belg i Bluve të Londrës pëlqehet nga dy klubet më të mëdha spanjolle Barcelona dhe Reali i Madridit por për trajnerin italian të kampionëve të Anglisë, Hazard është i pashitshëm.
“Eden është i lumtur te Chelsea dhe ne si klub po kërkojmë të blejmë lojtarë dhe jo të largojmë futbollistët tanë më të rëndësishëm, deklaroi Conte. Drejtuesit e Chelsea-it po punojnë fort në merkato për të afruar në skuadër mesfushorin e Leicester Dany Drinkëater dhe mbrojtësin e Southampton-it, Virgil Van Dijk, për ta cuar në 5 numrin e blerjeve pas afrimeve të Rudiger, Bakayokos dhe Moratës.