Yanick Ferreira Carrasco, mesfushori belg me tipare sulmuese i Atleticos së Madridit me shumë mundësi do të largohet nga Los Colchoneros. Futbollisti pëlqehet nga shumë klube të mëdha por deri tani dy skuadrat që kanë shfaqur më shumë interes për Carrascon janë Chelsea dhe Bayern Munich. Madje sipas mediave angleze “Blutë e Londrës” dhe bavarezët janë gati t’i shpallin luftë njëra-tjetrës për të firmosur me lojtarin e krahut. Kartoni i belgut vlerësohet jo më pak se 60 milionë euro nga Atletico e Madridit.
