UEFA ka njoftuar një tjetër surprizë që pritet të zbukurojë mbrëmjen e Kievit më 26 Maj, ku do të luhet finalja e Champions League, mes Realit të Madridit dhe Liverpoolit.
Në një postim në faqen zyrtare në Facebook, institucioni më i lartë i futbollit europian ka dhënë një video me pak sekuenca të këngëtares me origjinë shqiptare, Dua Lipa që është lënë në hije për të mos u njohur, por edhe me këngën e saj ‘New rules’ në sfond, ndërsa postimi shoqërohet me pyetjen ‘Gjejeni kush është?’.
Më pas sqarohet se pikërisht kjo do të jetë surpriza e mbrëmjes së Kievit, pasi do të performojë në ceremoninë që do të zhvillohet para finales në ‘Olimpiyskiy Stadium’, ndërsa zyrtarisht detajet e ceremonisë do të publikohen më 8 Maj.
