Kishte të tjera rezultate surprizuese në mbrëmjen e tetë të Botërorit të Atletikës në Londër por ajo që konsiderohej si gara më interesante e natës respektoi pritshmëritë.
Holandezja Dafne Schippers ishte kampionia në fuqi që nga Pekin 2015 në garën e 200 metrave dhe pas formës së mirë në garat kualifikuese respektoi pritshmëritë dhe në finale, ku ndali kronometrin në 22”05 duke lënë pas atleten nga Bregu i Fildishtë Marie-Josee Ta Lou, dhe Shaunae Miller-Uibo nga Bahamas.
Për Ta Lou ishte një tjetër disfatë dramatike. pasi humbi në garën e 100 metrave në finish ndaj Tori Boëie për 0.03 sekonda humbi dhe në 200 metra cka do të thotë se për 4 të qindtat e sekondës në total ka humbur 2 medalje të arta në Londër.
Ndërkohë ishte një tjetër mbrëmje e shkëlqyer për Shtetet e Bashkuara të Amerikës që morën medaljen e 7 dhe të 8 të kësaj jave.
Në kërcimin së gjati Bittney Reese fitoi medaljen e saj të tretë të artë në 4 kampionatet e fundit botëror në këtë disiplinë, pasi mposhti rusen Darya Klishina me vetëm dy centimetra ndërsa amerikania tjetër Tianna Bartaletta fitoi medaljen e bronxit.
Pak minuta më vonë, kishte një tjetër sukses për Shtetet e Bashkuara por këtë herë surprizes pasi Emma Coburn fitoi medaljen e parë të artë në garën e 3000 metrave me pengesa. Me kohën 9’02”58 ajo jo vetëm vendosi rekordin e kampionateve botëror por fitoi të parën medalje në histori për Shtetet e Bashkuara në këtë disiplinë.
Kishte lajme të tjera të mira për amerikanët pasi edhe Courtney Frerichs zuri vendin e dytë duke i lënë kenianes Hyvin Jepkemboi medaljen e bronxit.
Por gara do të mbahet mend edhe për dicka tjetër, Beatrice Chepkoech harroi të kapërcente mbi ujë duke ju dashur të kthehej për ta realizuar kërcimin. Ky gabim i kushtoi medaljen e artë pasi përfundoi garën e katërta.
Një ndër favoritët e mëdhenj për të fituar arin në Londër ishte dhe Paëel fajdek që për të tretin botëror radhazi mori medaljen e artë në hedhjen e cekicit.
Gara ishte shumë e luftuar derui sa Fajdek realizoi një hedhje në 79.81 metra për të fshirë kujtimet e këqia nga stadiumi kuë në Olimpiadën e 2012 dështoi për të arritur në finale.
Dy emra të tjerë të mëdhenj të gjysmëfinaleve të së premtes morën vendin e tyre në finalet respektive edhe pse në mënyra shumë të ndryshme.
Kampionia olimpike nga Afrika e Jugut Caster Semenya nuk pati asnjë problem në gjysmëfinaleve në 800 metrave, ndërsa favoritja në garën e 100 metrave me pengesa Kendra Harrison për pak së nuk dështoi për tu kualifikuar në finale por ja doli të opriste bioletën duke shpëtuar për vetëm 0.01 sekonda.
