FIBA vendosi që Botërori i Basketbollit për vitin 2023 do të organizohet në 3 vende të ndryshme. Qeveria e basketbollit botëror i besoi organizimin e këtij eventi, vendeve aziatike, teksa këtë fundjavë shpalli emrat e fituesve ku triumfuan kandidaturat e Filipineve, Indonezisë dhe Japonisë, që do të mirëpresin për herë të parë këtë kompeticion.
Organizimi i Botërorit në këto 3 vende vjen dhe pas përmirësimeve të ndjeshme që ekipet e tyre përfaqësuese kanë arritur në sportin e basketbollit. Pjesë e rëndësishme e lobimit për fitimin e të drejtës së organizimit të Botërorit të Basketbollit, ishte dhe presidenti i Interit, Erik Thohir, që ka qenë më parë i përfshirë në këtë sport si pronar i skuadrës së NBA, Philadelphia 76-ers, por dhe si president i Federatës Indoneziane të Basketbollit.
Në vitin 2019, Botërori i Basketbollit do të zhvillohet në Kinë, ndërsa gjatë asamblesë së FIBA-s, Argjentina mori garancinë se në vitin 2027 mund të kandidojë e vetme për organizimin e këtij eventi, në shtetin amerikano-jugor.
