FA Cup

City nuk toleron asgjë, Batshuayi kualifikon Chelsean

Chelsea është kualifikuar për në fazën e 1/8-ave të FA Cup, teksa ka mposhtur me rezultatin e pastër 3-0 Newcastlen. Batshuayi ishte heroi i skuadrës së Contes në sfidën e sotme, teksa shënoi 2 herë në pjesën e parë, ndërsa Marcos Alonso shënoi golin e 3-të në minutën e 72-të.

Ky është një kualifikim mjaft i rëndësishëm për Chelsean, që ka ‘larë duart’ me kampionatin dhe Carabao Cup dhe te FA-ja ka shpresat për të mos e mbyllur sezonin pa tituj.

Edhe Manchester City ka arritur të sigurojë kualifikimin në FA Cup, falë fitores 0-2 në Uells, ndaj Cardiffit. De Bruyne dhe Steerling shënuan për skuadrën e Guardiolës që në pjesën e aprë, duke i dhënë kualifikimin.

Vlen të përmendet se Manchester City thuajse ka hipotekuar titullin kampion, ndërkohë që ka siguruar finalen e Carabao Cup dhe vijon të jetë në garë për të triumfuar në Champions League dhe FA Cup.

To Top