La Liga

Atletico mposht pa problem Levanten, 45 minuta për Sadikun

Armando Sadiku zbriti si titullar në ‘Wanda Metropolitana’, në sfidën ndaj Atleticos së Madridit dhe luajti për 45 minuta, por nuk arriti të lërë asnjë gjurmë, ndërsa Levante e tij u mposht me rezultatin e thellë 3-0.

Correa zhbllokoi rezultatin në pjesën e parë për skuadrën e Simeones, ndërsa Griezmann dhe Torres vulosën shifrat 3-0. Me këtë 3-pikësh, madrilenët ruajnë të qetë vendin e dytë të renditjes, ndërsa Levante do të duhet të djersijë ende shumë, për të siguruar matematikisht qëndrimin në La Liga.

Java e 32-të e kampionatit spanjoll do të mbyllet me sfidën e mbrëmjes mes Malagës së vendit të fundit dhe Realit të Madridit, dy skuadra që nuk kanë më asnjë objektiv për këtë sezon.

To Top