Tenis

Asnjë surprizë në Barcelonë, kualifikohen Nadal, Dimitrov e Thiem

Asnjë surprizë në raundin e 1/8-ave të turneut të Barcelonës. Rafael Nadal vazhdon të mos humbasë qoftë edhe një set në fushat me dhe të kuq duke u kualifikuar në çerekfinale pasi mposht lehtësisht 2-0 me sete bashkëkombasin Garcia Lopez me shifrat 6-1 6-3. Nadal vijon kështu rrugën drejt mbrojtes së titullit në Barcelonë, teksa kundërshtari i radhës për spanjollin do të jetë sllovaku Martin Klizan. Në çerekfinale u kualifikua edhe finalisti i edicionit të kaluar, austriaku Dominic Thiem që në 1/8-at mposhti në 2 sete sllovakun Kovalik. Hasi vështirësi  favoriti numër 2 për t’i shkuar deri në fund turneut 500 pikësh të Barcelonës, bullgari Grigor Dimitrov i cili mposhti në tiebreak në set final tunizianin Jaziri. Avancuan në çerekfinale edhe Pablo Carreno Busta, David Goffin e Roberto Bautista Agut.

To Top