Në konferecën për shtyp para takimit me Teutën Jasir Asani theksoi që Partizanit është ende në garë për titullin. Tani që të kuqtë e kanë ngushtuar disi diferencën me kreun, 22-vjeçari kujton se ka patur te drejtë.
“Kur erdha nuk isha shumë i përgatitur dhe Iuliano më tha që duhet të stërvitesha më shumë. Starova më dha shansin që e prisja dhe e shfrytëzova. Kampionati maqedonas është nivel më i ulët se ai shqiptar. U ambientova shumë shpejt me ekipin dhe më përkrahën të gjithë. Kemi në sulm Sukajn, Prognin, Bardhin e Filin, janë të gjithë shumë të mirë. Në fillim e thashë që erdha te Partizani për të fituar titullin. Do jemi në vendin e parë, atje ku e meriton Partizani.”