Duket se orët e Arsen Wenger në krye të stolit të Arsenalit janë të numërura. Edhe pse për një gjë të tillë u përfol shumë edhe në verë, por në fund francezi vazhdoi aventurën e tij në Emirates Stadium, situata tashmë duket ndryshe sepse edhe durimi e ka një kufi. Fundi kampionatit është ende larg, por teorikisht shanset që topcinjtë e Londrës të sigurojnë një biletë për në Champions Leage duken fare të pakta. Shansi i fundit për t’ia siguruar vetes pjesëmarrjen në këtë kompeticion është fitimi i Europa League, por edhe aty asgjë nuk është e garantuar.
Në Angli mediat kanë shpalosur dhe emrat e disa kandidatëve që mund të marrin drejtimin e Arsenalit në fund të sezonit.
Leonardo Jardim trajneri i Monacos. 43-vjeçari prej 4 sezonesh drejton skuadrën nga Principata. Vitin e kaluar arriti të fitonte dhe titullin kampion në Francë. Fizionomia e Jardim është pak a shumë e njëjtë me Wenger. I pëlqen të punojë me lojtarë të rinjë në moshë dhe t’i rrisë vetë ata, gjithashtu dhe stili i lojës është gati i njëjtë me Arsenalin. Pavarësisht se i janë larguar nga skuadra disa futbollistë cilësorë, me në krye Kilian Mbappe, Monaco vazhdon të prodhojë futboll të bukur, duke mbajtur dhe vendin e dytë në kampionat.
Carlo Ancelotti është një tjëtër pretendent. Italiani mometalisht pas mbylli aventurën te Bayerni i Mynihut ka vendosur të qëndrojë pushim. Ancelotti është një njohës i mirë i futbollit në Angli, pasi më herët ai ka drejtuar skuadrën e Chelsea-it. Në moshën 58-vjeçare ai vazhdon të jetë në listën e trajnerve big.
Një tjetër italian në listë, Masimiliano Allegri. Në verë emri i tij u lakua shpesh rreth ambjneteve të Arsenalit, ndërkohë sërish tekniku i Juventusit shihet si një opsion i mundshëm.
Listën e mbyllin Brendan Rogers, i cili gjithashtu është një njohës i mirë i kampionatit anglez. Në 2014 Liverpooli nën drejtimin e tij ishte shumë pranë titullit kampion, kandidatura e radhës është Johachim Low.
Katër emra, të cilët me filozofinë e tyre të lojës i përafrohen shumë asaj çka dëshirojnë në ambjentet e klubit londinez. Sidoqoftë deri në verë gjithcka mund të ndodhë. Wenger mund të jetë sërish në krye të Arsenalit ose ndoshta për topçinjtë e Londrës do të nisë një epokë e re me një trajner të ri.