Paraqitja e mirë e Andre Gomes në sfidën ndaj Leganes, ku mesfushori portugez luajti titullar në rreshtimin 4-2-4 përkrah Rakitiç, i bindi të gjithë, duke marrë edhe duartrokitjet e “Camp Nou”.
Mungesa e Busquets i hap rrugën kështu 24-vjeçarit, i cili falë kësaj paraqitjeje mund të qëndrojë te Blaugranat. Futbollisti i transferua nga Valencia dy sezone më parë dhe u shpreh se për momentin nuk e mendon të ardhmen, pasi po shijon ëndrrën që të gjithë kërkojnë, duke lënë të hapur kështu mundësin e qëndrimit te Barcelona.
Së fundi pas mesfushorit portugez ishin vënë shumë klube, që kërkojnë të marrin shërbimet e tij në merkaton e verës, por me paraqitjen e fundit, katalanët do të mendohen dy herë para se ta largojnë.