Connect with us

Hi, what are you looking for?

Serie A

Ancelotti trajner i rekordeve, pikante nga karriera e 58-vjeçarit

Palmaresi i trofeve të Carlo Ancelottit, trajnerit të sapoemëruar të Napolit, është për t’u patur zili, ndoshta asnjë trajner në botë nuk ka fituar kaq shumë sa 58-vjeçari italian. Është speclialist i Championsit, ka fituar ku ka shkuar, por në Itali e ka një “mace të zezë”. Le të zbulojmë disa shifra pikante të karrierës së tij si trajner.

  • E nisim nga një e dhënë e thjeshtë: ka fituar 59% të takimeve, 607 ndeshje nga 1027 të drejtuara. Është i vetmi që ka fituar titullin kampion në katër nga pesë kampionatet më të rëndësishme në Europë (Itali, Angli, Francë dhe Spanjë).
  • Ancelotti dhe Bob Pailsy janë dy trajnerët e vetëm që e kanë fituar tri herë Championsin/Kupën e Kampionëve.
  • Në epokën e 3 pikëve për fitore, Ancelotti ka regjistruar mesataren më të lartë të pikëve për ndeshje në krye të Milanit, 1.97.
  • Si trajnër në Serinë A, Ancelotti nuk ka humbur kurrë përballë Cagliarit dhe Torinos.
  • Përqindjen më të ulët të fitoreve mes skuadrave të sezonit të ardhshëm të Serisë A e ka kundër Juventusit, 22% (katër fitore në 18 përballje). E dyta është Roma me 32%.
  • Ancelotti është trajneri i parë që arriti të fitonte Premier League-n dhe FA Cup që në debutim (në krye të Chelsea-t).
  • Në sezonin 2009-2010 Chelsea i Ancelottit regjistroi rekordin e golave të shënuar përgjatë një sezoni në Premier League, 103, rekord që u thye me 106 gola nga Manchester City i Pep Guardiolës në sezonin aktual.
  • Me Ancelottin në stol Reali i Madridit mban rekordin e ndeshjeve të fituara radhazi në të gjitha kompeticionet për një klub spanjoll, 22 sfida mes shtatorit dhe nëntorit të vitit 2014.
  • Bayerni nuk ka humbur qoftë një ndeshje në shtëpi në Bundesligë me Ancelottin.
  • Trajneri italian nuk e ka fituar titullin vetëm në Spanjë, ku ka mundur të ngrejë lart trofeun e 10-të të Championsit për Realin e Madridit.
  • Është i pesti trajner që ka arritur ta fitojë Championsin me dy skuadra të ndryshme (Ernst Happel, Ottmar Hitzfeld, José Mourinho dhe Jupp Heynckes).
  • Me Ancelottin Reali i Madridit ka fituar 10 ndeshje radhazi në Champions, duke barazuar rekordin e Bayernit të shënuar në vitin 2013.

 

 

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...