“Peruja nuk ka ndërmend të heqë dorë nga Botërori “Rusi 2018”, pas atij kualifikimi historik, që i gjithë vendi e priste prej më shumë se tre dekadash.” Kështu u shpreh kongresmenia Paloma Noceda, iniciatore e një projektligji, që në Europë është intrepretuar si ndërhyrje në punët e Federatës së Futbollit, çka do të sillte edhe pezullimin nga FIFA, duke i hapur rrugë pjesëmarrjes së mundshme të Italisë ose Kilit në Kupën e Botës së vitit të ardhshëm.
“Projektligji,” – theksoi më tej Noceda, nuk ka përplasje me regullat e FIFA-s,” e cila nuk toleron aspak kur bëhet fjalë për ndërhyrje të politikës në federatë.
“Nuk ka lidhje me futbollin, por fokusohet në disa aspekte të shumësportëshit.”
