Olympique Lyon është i papërmbajtshëm në transfertë. Skuadra e Bruno Genesios regjistroi një tjetër fitore 0-5 e treta radhazi jashtë fushe me të njëjtat shifra, këtë herë në Alianz Riviera përballë një kundërshtari të vështirë si Nice. Për t’u ngjitur përkohësisht në vendin e 2-t të Ligue 1, Lyoni zhvilloi një paraqitje fantastike ndaj Mario Balotellit me shokë, me Nicën që u dorëzua pa kushte. 4 gola në pjesën e parë për miqtë, dy nga holandezi Depay dhe dy të tjerë nga Cornet e Mariano Diaz për t’i çuar shifrat në 0-4. Ndërsa në pjesën e dytë kishte vend edhe për finalizimin e Maolidas me Lyonin që falë këtij suksesi të thellë u ngjit në kuotën e 29 pikëve.
